Նորություններ
Սամբոյի Հայաստանի առաջնություն
2020թ. սեպտեմբերի 26-ին Գազպրոմ Արմենիայի «Ուսումնա-սպորտային համալիրում» (Երևան, Ծարավ Աղբյուրի փ. 55/25) կանցկացվի Հայաստանի Մարզական և մարտական սամբոյի 2020թ. առաջնությունը, որը հետաձգվել էր դեռևս մարտ ամսից:
Հաշվի առնելով Կորոնավիրուսի համավարակը, Հայաստանի սամբոյի ֆեդերացիան որոշել է մրցումն անցկացնել «փակ դռների» կարգավիճակով, առանց հանդիսատեսի:
Հայաստանի սամբոյի ֆեդերացիա
+374 10 558680
Հայաստանի սամբոյի պատանեկան առաջնություն-2020
2020թ. մարտի 1-ին Գազպրոմ Արմենիայի «Ուսումնա-սպորտային համալիրում» անցկացվեց Հայաստանի սամբոյի 2020թ. պատանեկան առաջնությունը՝ մասնակցությամբ շուրջ 170 մարզիկ-մարզուհու՝ ՀՀ մարզերից, Արցախից, Երևանից, ովքեր մրցանակային տեղեր էին զբաղեցրել նախընտրական մրցաշարերում և հանրապետության առաջնությունում պիտի փորձեին բարձր պահել իրենց մարզի կամ քաղաքի պատիվը:
Նշենք, որ դա լավագույնս հաջողվեց Լոռվա մարզը ներկայացնող սամբիստներին, ովքեր տղաների 10 քաշային կարգից 5-ում դարձան հաղթողներ և տիրացան նաև Լավագույն թիմի համար նախատեսված գավաթին:
Ստորև ներկայացնում ենք բոլոր հաղթողներին ըստ քաշային կարգերի:
Տղաներ
48 կգ-Շիրոյան Էմին-Լոռի
52 կգ-Նալբանդյան Նարեկ-Շիրակ
56 կգ-Հովհաննիսյան Նորայր- Լոռի
60 կգ- Մանուկյան Գևորգ-Լոռի
65 կգ- Աբրահամյան Դավիթ-Երևան
70 կգ- Ստեփանյան Ալեքսան-Լոռի
75 կգ- Բաղրամյան Արշավիր-Տավուշ
81 կգ- Վարդանյան Համլետ-Կոտայք
87 կգ- Հարությունյան Գոռ-Լոռի
+87կգ- Բեկնազարյան Գրիգոր-Տավուշ
Աղջիկներ
44 կգ- Մարտիրոսյան Անի-Կոտայք
48 կգ-Կիրակոսյան Սյուզաննա-Կոտայք
52 կգ- Աղաջանյան Արփինե-Արարատ
56 կգ- Գրիգորյան Միլենա-Երևան
60 կգ- Աբրահամյան Մարինե-Կոտայք
70 կգ- Արամյան Սեդա-Արարատ
+75 կգ-Հարությունյան Ագապի-Կոտայք
Հավելենք, որ Լավագույն տեխնիկա ցուցաբերելու համար մրցանակը տրվեց Նարեկ Նալբանդյանին:
Առաջնության արդյունքում կձևավորվի Հայաստանի պատանեկան հավաքականը, որն էլ ապրիլի 9-ից 13-ը մեր երկիրը կներկայացնի Բուլղարիայում անցկացվելիք Եվրոպայի առաջնությունում:
Հպարտ ենք, որ ամեն տարի, գրեթե առանց բացառության, Հայաստանի տասը լավագույն մարզիկների պատվավոր ցանկում ընդգրկվում են նաև սամբիստները: Տիգրան Կիրակոսյան ջան, շնորհավորում ենք:
Չմոռանանք նաև, որ ամեն տարեվերջին, երբ ամփոփվում են հայ մարզիկների հաջողությունները և հրապարակվում՝ վաստակած մեդալների ցանկը, պարզվում է, որ դրանց 15-20%-ը Հայրենիք են բերել հայ սամբիստները:
