Նորություններ
Հայաստանի սամբոյի ֆեդերացիան շնորհավորում է բոլոր կանանց և աղջիկներին՝ գարնանային տոների կապակցությամբ և տեղեկացնում, որ մարտի 4-ին տեղի ունեցան Հայաստանի սամբոյի աղջիկների և կանանց առաջնությունները, որին մասնակցեց 47 մարզուհի՝ Լոռիից,Արարատից,Արցախից, Կոտայքից, Երևանից:
Ստորև ներկայացնում ենք առաջնություններում հաղթածներին:
Փետրվարի 24-ին և 25-ին ,,Հայաստան,, մարզական միության մարզադահլիճում անցկացվեցին Հայաստանի սամբոյի 2018թ պատանեկան ու երիտասարդական առաջնությունները՝ մասնակցությամբ ՀՀ մարզերի և Արցախի ավելի քան 250 մարզիկների:
Ստորև ներկայացնում ենք առաջնությունների հաղթողներին, որոնք էլ կձևավորեն մեր հավաքականները և կներկայացնեն Հայաստանը Եվրոպայի առաջնությունում, որը տեղի կունենա ապրիլին՝ Չեխիայի մայրաքաղաք Պրահայում:
2018թ. փետրվարի 15-ից 17-ը Մինսկում 17-րդ անգամ անցկացվեց Սամբոյի Բելոռուսի բաց առաջնությունը, ուր խաղարկվում էին երկրի նախագահ Լուկաշենկոյի մրցանակները:
Աշխարհի շատ երկրների առաջատար մարզիկների թվում ասպարեզ մտան նաև Հայաստանը ներկայացնող սամբիստներ, որոնցից Դավիթ Պետրոսյանը, ով հանդես էր գալիս մարտական սամբոյի 82 կգ քաշային կարգում, նվաճեց բրոնզե մեդալ:
Կարեն Դեմիրճյանի անվան մարզահամերգային համալիրում 2017 թ. դեկտեմբերի 27-ին տեղի ունեցավ Հայաստանի «Տարվա 10 լավագույն մարզիկներ» 2017 թվականի մրցույթի հաղթողների և 2017 թվականի ընթացքում մարզական բարձր նվաճումներ ունեցած մարզիկների պարգևատրման ու մեծարման հանդիսավոր արարողությունը:
Հայաստանի 2017թ. Տարվա 10 լավագույն մարզիկներից երկուսը սամբիստ են՝ Տիգրան Կիրակոսյանը և Գրիգոր Մխիթարյանը:
Կրկին շնորհավորում ենք նրանց՝ մաղթելով նորանոր հաղթանակներ:
Սիրով տեղեկացնում ենք, որ 2017 թվականի մարզիկների լավագույն տասնյակում՝ շնորհիվ հավատարմագրված մարզական լրագրողների քվեարկության և հանրության կողմից ուղարկված SMS հաղորդագրությունների, ընդգրկվեցին նաև Սամբոյի 2017թ. աշխարհի և Եվրոպայի չեմպիոն Տիգրան Կիրակոսյանն ու Աշխարհի չեմպիոն ու Եվրոպայի փոխչեմպիոն Գրիգոր Մխիթարյանը, ինչը՝ սամբո մարզաձևի երկրպագուների, մարզիկների ու մարզիչների համար չափազանց ուրախալի և հաճելի է:
Հայաստանի սամբոյի ֆեդերացիան շնորհակալություն է հայտնում բոլոր քվեարկողներին՝ մեր տղաների հաղթանակը գնահատելու և կարևորելու համար:
Հիշեցնենք, որ հայ սամբիստները 2017թ. աշխարհի և եվրոպայի պատանեկան, երիտասարդական, մեծահասակների առաջնություններում ու Աշխարհի սուպերգավաթի խաղարկությունում նվաճել են 44 մեդալ, որից 8 ոսկի, 11 արծաթ, 25բրոնզ:
Շնորհավոր Նոր տարի